Нийслэлийн Газрын албанаас газар эзэмших, ашиглах эрхийн дуудлага худалдааг энэ сарын 06-ны өдрийн 10:00 цагт нийслэлийн төр захиргааны Хангарди ордны 14 давхарт нээлттэй явуулахаар болжээ.

Үүнтэй холбогдуулан дуудлага худалдаанд оролцогчдын хүсэлтийг өнөөдрөөс буюу эхлэн авч эхэлжээ. Дуудлага худалдаанд авах хүсэлтийг энэ сарын 06-ны өдрийн 09:30 цаг хүртэл Төрийн захиргааны Хангарди ордон, III дугаар давхарт, Нийслэлийн Газрын алба, Газрын менежмент, төлөвлөлтийн хэлтсийн 307 тоот өрөөнд  битүүмжилсэн хайрцгаар хүлээн авах гэнэ. Хүсэлтийн хайрцгийг дуудлага худалдаа явуулахаас 30 минутын өмнө хаах юм байна.

Энэ удаа Сонгинохайрхан, Хан-Уул, Баянзүрх, Налайх, Багахангай, Багануур дүүргийн нутаг дэвсгэрт орон сууц, аж ахуй, фермер, амины орон сууц, худалдаа үйлчилгээ, зочид буудал, конторын барилга, үйлдвэрлэл, үйлчилгээ барих зориулалт бүхий нийт 25 байршилд нээлттэй дуудлага худалдаа явагдах ажээ.