Авлигатай тэмцэх газрын мэргэжилтнүүд орон нутагт ажиллаж байгаа билээ. Тэгвэл Хяналт шалгалтын албаны дарга, ахлах комиссар Л.Сүх-Очироор ахлуулсан ажлын хэсэг энэ өдрүүдэд Дорноговь аймгийн Замын-Үүд суманд ажиллаж байгаа аж.

Шалгалтын хүрээнд орон нутгийн удирдлагууд, нийт төрийн байгууллагын удирдах албан тушаалтан, төрийн захиргааны албан хаагч, бизнес эрхлэгч иргэн, аж ахуйн нэгж, төрийн бус байгууллагын төлөөлөл, иргэн, хууль сахиулах байгууллагын албан хаагчдад Авлигатай тэмцэх үндэсний хөтөлбөр, Авлигын эсрэг хуулийг танилцуулж байгаа юм.

Мөн Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хууль тогтоомжийг таниулах сургалт зохион байгуулжээ.