Хятадын Чиндао хотноо болж буй жүдо бөхийн Гран при тэмцээний хэсгийн барилдаанууд өндөрлөлөө. 60 кг-ын жинд хагас шигшээд шалгарч үлдээд байсан Дэлхийн аваргын мөнгөн медальт Д.Амартүвшин зооны аваргын төлөө Тайванийн бөх Ян Жун Вейг ялж, финалд үлдлээ. Тэрбээр аваргын төлөө Оросын бөх Ислам Яшуевтай барилдана.

Тэгвэл 66 кг-д зодоглосон Д.Алтансүх хагас шигшээд Оросын Абдула Абдулзалиовтай барилдсан ч барсангүй. Ингэснээр хүрлийн төлөө Хятадын бөх Чин Дагатай барилдана. Тэгвэл 57 кг-ын жинд өрсөлдсөн Л.Энхрийлэн торгуулийн тойрогт Японы бөх Анзу Ямамототай барилдсан ч ялж чадалгүй тэмцээнээ өндөрлүүллээ.