Өнгөрсөн хоногуудад цас их орсны улмаас хальтиргаа гулгаа үүссэн. Үүнтэй холбогдуулан автозамын осол ихэссэн талаар Замын цагдаагийн газраас мэдээллээ. Тодруулбал, өнгөрсөн шөнө гэхэд Энхтайваны өргөн чөлөө, МУБИС-ийн баруун урд уулзварт “Нийслэлийн зорчигч тээврийн нэгтгэл” ОНӨААТҮГ-ын “Daewoo BS106” автобусны жолооч хоёр явган зорчигчийг мөргөж, гэмтээсэн байна.

Түүнчлэн Энхтайваны өргөн чөлөө, “Нарантуул” зочид буудлын урд замд “Нийслэлийн зорчигч тээврийн нэгтгэл” ОНӨААТҮГ-ын “Daewoo BS106” автобусны жолооч О нь явган зорчигчийг мөргөж гэмтээжээ. Тиймээс Замын цагдаагийн газраас анхаарал болгоомжтой байхыг жолооч нарт санууллаа. Мөн иргэдэд замын хөдөлгөөнд соёлтой оролцон гарцгүй газраар зам гарахгүй байхыг анхаарууллаа.