Америкийн “Нью-Йорк Сити” клубын хагас хамгаалагч Фрэнк Лампард арванхоёрдугаар сард гэрээ нь дууссаны дараа МЛС лигийг орхих болсноо зарлалаа.

Тэрбээр “Нью-Йорк Сити”-тэй байгуулсан миний гэрээ дуусч байна. Өнгөрсөн хоёр жилийн хугацаанд сайхан сэтгэлээр тусалж дэмжсэн бүх хүнд талархсанаа илэрхийлье. Энэ багийн залуустай хамт тоглох надад үнэхээр таатай байлаа. Гайхалтай хөгжөөн дэмжигчид нь намайг үргэлж дэмжиж байсан.

Энд өнгөрөөсөн бүхий л цаг хугацаа минь сайхан байлаа. Би энэ сайхан хотын том багт тоглож байсандаа үнэхээр баяртай байна. Би ойрын үед албан ёсны мэдэгдэл хийх болно” хэмээн өөрийн инстаграмм хуудсандаа бичжээ.