“Айчи-Нагояа-2026” Азийн наадмын сонгомол бөхийн эрэгтэйчүүдийн 97 кг-ын жинд хүч үзсэн Үндэсний шигшээ багийн тамирчин, ОУХМ Г.Ганхуяг хүрэл медаль хүртлээ.

Тэрбээр медалийн төлөөх барилдаанд Туркменистаны Аманберди Агамаммедовыг 9:5-аар ялж, Азийн наадмын медалийн тавцанд зогслоо.

Энэхүү амжилт нь Монголын сонгомол бөхийн Азийн наадмын түүхэн дэх зургаа дахь медаль, тав дахь хүрэл медальтан болж байна.

Ийнхүү Монголын сонгомол бөхийнхөн 52 жилийн дараа Азийн наадмаас медаль хүртэж, Г.Ганхуяг түүхэн амжилтын буухиаг үргэлжлүүллээ.