Реалити шоуны од Ким Кардашиан болон дуучин Канье Уэст нарын хосууд удаан хугацааны турш тэдний бие хамгаалагчаар ажиллаж байсан Паскал Дувиэрыг ажлаас нь  халжээ.    Паскал анх Канье Уэстийн хамгаалагчаар ажиллаж эхэлсэн бөгөөд түүнээс хойш дөрвөн жилийн турш түүний гэр бүл, эхнэрийнх нь аюулгүй байдлын төлөө ажилласан байна.

Гэвч яг сарын өмнө Ким Кардашианыг Парист буутай этгээдүүдэд  дээрэмдүүлэх үед  хамгаалж чадаагүйн улмаас бүсгүй 11 сая ам.доллартой тэнцэх хэмжээний үнэт эдлэлээ алдсан байдаг. Тухайн үед  бие хамгаалагч Кортни Кардашиан, Кендалл Женнер нарын хамт шөнийн клубт байж таарсан бөгөөд  Ким ганцаараа унтлагын өрөөндөө дээрэмдүүлсэн билээ.

Түүнээс хойш реалити од бүсгүй олон нийтийн үйл ажиллагаанд оролцохоос зайлсхийх болсны зэрэгцээ дүүгийнхээ 21 насны төрсөн өдөрт нь гурван хамгаалагчтай ирсэн нь олныг гайхшруулсан байна. Үүнээс гадна нэг ч үнэт эдлэл зүүгээгүй байсан гэдэг.