Ховд аймгийн Зэрлэг сумын нутагт оршин суух малчин аравдугаар сарын 27-нд гэрээсээ гараад сураггүй болж, залууг ар гэрийнхэн нь  хайгаад олоогүй тул аймгийнхаа онцгой байдлын аврагчдад хандсан талаар өмнө бид мэдээлсэн билээ.

 Тодруулбал,  Ховд аймгийн Зэрэг сумын Бургас багийн нутаг дахь Хөдөө нуур гэдэг газарт өвөлжиж буй малчин айлын  22 настай залуу алга болсон учраас аймгийн цагдаагийн газарт  мэдэгдсэн байна.

Тус аймгийн Онцгой байдлын газрын 20 албан хаагч, орон нутгийн 44 иргэн оролцсон эрэн хайх ажиллагаа хийснээр  алга болсон залуугийн малгайг Хөдөө нуурын эргээс 200-300 метр зайнаас олжээ. Одоогийн байдлаар тус нуурын ойр орчмыг нь самнан хайж,  нууранд 25-30 цооног гаргаж, усны камер тавьж, эрлийг үргэлжлүүлж байгаа аж.