Өнгөрсөн шөнө Уланбаатар хотын Цагдаагийн ерөнхий газарт хулгайн холбогдолтой 34 гэмт хэрэг бүртгэгдсэн байна. Тодруулбал, Баянзүрх дүүргийн цагдаагийн III дугаар хэлтэст “Хужир булангийн ... тоотод 08:00-18:30 цагийн хооронд хулгай орсон байна” гэсэн дуудлага иржээ. Дуудлагын дагуу шалгахад А-гийн гэрт хууль бусаар нэвтэрч “Samsung” /42/ инчийн LCD зурагтыг хулгайлсан байжээ.

Тус хэлтсийн цагдаагийн алба хаагчид шуурхай ажиллан гэмт хэрэгтнийг илрүүлсэн байна. Мөн “Хөгжим бүжгийн коллеж”-ийн гадна байсан автомашинд өчигдөр  14:00 цагийн үед хулгай орсон байна”  гэсэн мэдээллийг ирсэн ажээ. Уг хэргийг Сүхбаатар дүүргийн цагаадагийн I дүгээр хэлтэс шалгаж, хэрэгтнийг илрүүлсэн байна. Мөрдлөгийн явцад тодорхой оршин суух хаяггүй Б гэгч  согтуурсан үедээ “Toyota Prius-20” автомашины толь хулгайлсан илэрчээ.