“Манчестер Сити”-тэй Аваргуудын лигт тоглосны дараа “Барселона”-гийн довтлогч Мессиг нэг тоглогч тэнэг гэж хэлсэн талаар мэдээлэл гарсан. Тэгвэл тэр нь Фернандиньо байсан ажээ. Энэ талаар Globoesporte мэдээлсэн байна.

“Сити” Аваргуудын лигийн хэсгийн дөрөвдүгээр тойрогт талбайдаа “Барса”-ш 3:1-ээр хожсон. Улмаар ялалтын баяраа тэмдэглэж байхдаа Фернандиньо Аргентины шигшээ багийн довтлогч Мессиг “эргүү, тэнэг” гэх мэтээр хэлсэн аж.

Тиймээс Месси “Барселона”-гийн төлөөлөгчийн хамт “Сити”-гийн хувцас солих өрөөнд орж, Фернандиньотай муудалцсан юм байна. Харин түүнийг шигшээ багийн хамтрагч Сержио Агуэро хувцас солих өрөөнөөс аргадаж гаргажээ.