АНЭУ-ын Абу Даби хотноо жүдо бөхийн “Их дуулга” ангиллын тэмцээн болж байгаа билээ. Тэгвэл өчигдөр эрэгтэй 60,66, эмэгтэй 48, 52, 57 кг-ын жингийн барилдаанууд болж, аваргууд тодорлоо. Манай улсаас эмэгтэйчүүдийн 48 кг-д Дэлхийн аварга, Гавьяат тамирчин М.Уранцэцэг оролцож байгаа юм.

Манай бөх эхний тойрогтоо хийлж, хагас шигшээд Сербийн бөх Милиса Николичтай тулсан ч, ялагдсан. Харин хүрэл медалийн төлөө Францийн Сепхора Корчертай барилдаж, ялснаар медалийн тавцанд зогслоо.

Тэгвэл энэ жинд алтан медалийг Г.Отгонцэцэг хүртлээ. Тэрбээр хагас шигшээ Испанийн Жулиаг, финалд Сербийн Милисаг буулгаж авсан юм.  Энэ жинд ердөө л 7 бөх барилдсан билээ.