Одоогоос  50 гаруй жилийн өмнө Нью Жерсигийн “Belle Mead” гэх агентлагт харьяалагдан загварын тайзнаа алхаж явсан Милли Тайлор Моррисон гэгч хөгшин өөртөө зориулан дэлхийд цор ганц даашинзыг урлажээ.

Хөгшин энэ сарын эхээр хэдий хожуу ч гэлээ хоёр дахиа хуримласан бөгөөд энэхүү ёслолдоо зориулан өөртөө ягаан өнгийн даашинз урласан байна. Түүний даашинзыг ач охин нь фэйсбүүк хуудастаа нийтэлж, улмаар уг зураг дэлхий даяар цацагдан, хэдэн мянган удаа шэйрлэгдэж, 97 мянган лайк цуглуулжээ.

Хөгшин хуримнаасаа долоо хоногийн өмнө 86 насны босго алхсан бол шинэхэн сүйт залуу нь ирэх арванхоёрдугаар сард 86 хүрэх гэнэ. Милли Тайлор Моррисон анхны нөхөртэйгөө 41 жил ханилж, хорвоогийн жамаар нөхөр нь таалал төгссөн байна. Түүнээс хойш 25 жилийн дараа Моррисон дахин хайр дурлалтайгаа учирч ийнхүү хуримлажээ.