Английн премьер лигийн 9 дүгээр тойргийн хүрээнд “Манчестер Юнайтед” клуб “Челси”-гийн талбайд зочилж, 4:0-ээр “шүүрдүүлээд” буцсан билээ. Ингэснээр Моуриньо Английн премьер лиг дэх хамгийн том ялагдлаа амсч байгаа нь энэ аж.

Тэрбээр үүнээс өмнө 2010 онд “Реал Мадрид” клубыг удирдаж байхдаа “Барселона”-д 5:0-ээр хожигдож байсан удаатай. Энэ нь түүний дасгалжуулагчийн замналдаа хүлээсэн хамгийн том хожигдол юм байна. Тэгвэл премьер лигт хуучийн багийнхаа эсрэг гутамшигт хожигдлыг хүлээж, нэгэн анти амжилтын эзэн боллоо.