ОХУ-ын Гадаад тагнуулын албаны захирал Сергей Нарышкин Россия-24 телевизийн “Соловьев Live” нэвтрүүлгээр гуравдугаар сарын 5-нд ярихдаа Оросын сөрөг хүчний төлөөлөгч блогч Алексей Навальныйг “тэр өөрийнхөө үхлээр л үхсэн”, “эрт орой хэзээ боловч амьдрал дуусдаг шүү дээ” хэмээн хэмээн тохуурхсан байна. 

Алексей Навальныйн үхэлд  ямар нэг хүчин, ялангуяа “өрнөдийн хүч” оролцсон байж болох уу гэсэн сэтгүүлчийн асуултад гадаад тагнуулын дарга Сергей Нарышкин “Энэ бол ямар нэгэн онцгой зүйл гэж би бодохгүй байна, гэхдээ харамсалтай нь хүмүүст нэг онцлог байдаг, эрт орой хэзээ нэгэн цагт амьдрал дуусч, тэд үхдэг шүү дээ. Навальный өөрийнхөө үхлээр л үхсэн, тийм ээ” гэж хариулжээ. 

Эх сурвалж: Монголын мэдээ сонин

2024 оны гуравдугаар сарын 11. Даваа. №021 (5939)