Элсэлтийн шалгалт будлиантай болсон гэв
Энэ жил Монгол Улсын хэмжээнд 37200 сурагч элсэлтийн ерөнхий шалгалт өгч дууссан. Жил бүр элсэлтийн шалгалтын дараа шалгалтын хариу болон сургуулийн хуваарь зарагдсан гэх мэт асуудлууд үүсдэг. Энэ жил ч ялгаагүй шалгалтын матеариал 200-500 мянгаар зарагдсан гэх мэдээлэл тарсан.
Тэгвэл энэ тухай сурагчдын холбооны тэргүүн О.Сэлэнгэ, “Зуун билиг” сургуулийн математикийн багш Х.Сайханбилэг, сурагчид болон эцэг, эхийн төлөөллүүд өнөөдөр “Монгол ньюс” мэдээллийн төвд мэдэгдэл хийлээ.
Хурлын үеэр Х.Сайханбилэг “Бид таамаг төдий зүйл биш, баримт дээр тулгуурлан энэхүү хурлыг зарлаж байна. Математикийн шалгалтыг авсан өдөр сурагчдын дунд шалгалтын хариултыг 500 мянгаар худалдаж авсан гэх мэдээлэл гарсан. Удалгүй миний таньдаг багш “Миний давтлага өгдөг байсан сурагч над руу хэдэн бодлого явуулаад, “Багш аа, үүнийг бодоод өгөөч” гэж гуйсны дагуу би бодож өгсөн. Гэтэл тэр бодлогууд элсэлтийн шалгалтын “D,C вариант” байсан” гэх мэдээллийг надад өгсөн.
Эцэг, эхчүүд, хүүхдүүдээс ч ийм гомдлууд ирж эхэлсэн . Мөн шалгалтын зарагдсан гэх хариулт миний бодсонтой яг таарч байгаа учраас бид шалгалтын материал задарсан гэж үзэж энэ асуудлыг шалгаж өгнө үү хэмээн БҮТ-д мэдэгдэл хүргүүлж байна” хэмээлээ.
Х.Цацрал
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
