Богдхан уулын дархан цаазат газрын Төр хурахын амны чиглэлд хоёр толгой буга төмөр замын хамгаалалтын хашааг давж орсноор галт тэргэнд дайруулсан осол гарсан байна. Энэ талаарх мэдээллийг анх өчигдөр /2023.11.17/ буюу энэ сарын 17-ны өдөр 22 цаг 40 минутад машинист н.Батхишиг Төмөр замын удирдах газарт мэдээ өгчээ.

Тус мэдээллийн дагуу Богдхан ууллын Хамгаалалтын захиргаа болон Төмөр замын Цагдаагийн газраас бүрэлдэхүүн ажиллаж байна. Мөн олон нийтийн хэвлэл мэдээллийн хэрэгслээр тухайн хоёр бугыг хулгайн анчид агнасан мэтээр буруу ташаа мэдээлэл түгээсэн байна!