Өнгөрөгч есдүгээр сард болсон ОХУ-ын Ерөнхийлөгч Владимир Путин, Умард Солонгосын удирдагч Ким Чен Ун хоёрын уулзалт Орос, БНАСАУ-ын хоорондох харилцааны төлөв тогтвортой байдлыг илтгэж байна, энэ уулзалтын ач холбогдлыг үнэлж барамгүй хэмээн Дартмутын коллежийн улс төр судлаач Минсон Ку “National Interst” сэтгүүлд нийтлүүлсэн өгүүлэлдээ бичжээ. 

“Умард Солонгос, Оросын талаас авч үзвэл Путин, Ким Чен Ун хоёрын дээд хэмжээний уулзалт нь ач холбогдол өндөртэй, бүр амжилттай болсон. Энэ уулзалт дэлхий дахины анхаарлыг татаж, хүчтэй сэтгэгдэл төрүүлсэн” гэж шинжээч бичсэн байна. 

Кугийн бодлоор бол хоёр удирдагчийн уулзалт нь Орос, БНАСАУ-ын хооронд “тогтвортой, эерэг харилцаа” бий болсныг харуулсан, хоёр орны харилцаа холбоо цаашид улам нягт болохын эхлэл гэнэ. 

Шинжээч бас Москва, Пеньяны нягт харилцаа хүчтэй байгаа  нь талууд дээд хэмжээний уулзалтын дэлгэрэнгүй мэдээллийн түгээж байгаагаас харагдаж байна. Тэгээд ч уулзалтыг Умард Солонгосын удирдагчийн хүсэл сонирхолд нийцүүлэн галт тэргээр ирэхэд нь таацуулан уулзалтыг Москвад биш, Владивостокт зохион байгуулсан нь Орос түүнд найрсаг байгаагаа илэрхийлж байна. 

БНАСАУ-ын удирдагч Ким Чен Ун 2019 оноос хойш анх удаагаа Орост айлчилсан юм. Есдүгээр сарын 13-нд тэр Оросын Ерөнхийлөгч Владимир Путинтай сансрын “Восточный” буудалд уулзсан. Ким Чен Уны айлчлалыг ОХУ-ын ерөнхийөгчийн хэвлэлийн нарийн бичгийн дарга Дмитрий Песков “маш чухал” хэмээн нэрлэсэн байдаг. Саяхан энэ аравдугаар сарын 18, 19-нд Оросын Гадаад хэргийн сайд Сергей Лавров бас Пеньянд айлчилсан юм. 

Эх сурвалж: Монголын мэдээ сонин

2023 оны аравдугаар сарын 27. Баасан. №165 (5893)