Барилга, хот байгуулалтын яамнаас улсын төсвийн хөрөнгө оруулалт, гадаадын зээл тусламжаар хэрэгжиж байгаа төслийн барилгуудад хийсэн төлөвлөгөөт хяналт шалгалтын талаар мэдээлэл хийлээ. Энэ үеэр БХБЯ-ны салбарын хяналтын газрын дарга Д.Жаргал баригдаж байгаад барилгын ажил нь зогсож олон жил болсон барилгуудын талаар дараах мэдээллийг өглөө.

Тэрбээр “Барилгын ажлыг зогсоохдоо хамгаалалтын горимд оруулах ёстой. Эргээд барилга угсралтын ажил үргэлжлэх тохиолдолд тухайн хийцэд шинжилгээ судалгаа хийж ямар арга хэмжээ авахаа тодорхойлж цаашид үргэлжлүүлэх зөвшөөрлийг аваад явах ёстой. 

Олон жил барилгын ажил нь зогссон барилгуудад энэ оны зургаадугаар сар хүртэл үзлэг шалгалт хийсэн. Олон жил ажил нь зогссон барилгын хажууд суурилагдсан крануудыг буулгах арга хэмжээг хийгээд явж байгаа, энэ асуудал огт орхигдоогүй” хэмээв.