Морь барьж ирэхээр гэрээсээ гарсан сураггүй болжээ. Тодруулбал, Дорноговь аймгийн Дэлгэрэх сумын Бумбат багийн малчин Б энэ сарын 7-ны өглөө адуунаасаа морь барьж ирэхээр гэрээсээ гараад сураггүй болсон байна.

Түүнийг алга болсон өдөр ар гэрийнхэн нь түүнийг хайсаар үдэш болоход олоогүй тул сумынхаа ЗДТГ-ын даргад мэдэгджээ.

Ар гэрийнхнийх нь мэдээллийн дагуу орон нутгийн 11 иргэн хоёр машианд хуваагдан эрэлд гарч, маргааш өдөр нь малчин Б-гийн цогцсыг 14.30 цагийн үед Хүйсийн хар овоо гэдэг газраас олж, сумын Цагдаагийн хэсгийн төлөөлөгчид шилжүүлэн өгсөн байна.

 Одоогийн байдлаар амиа алдсан шалтгаан нь тодорхойгүй байгаа аж.