Нийслэлийн засаг даргын энэ оны 08 дугаар сарын 02-ны өдрийн а/862 дугаар захирамжийн хүрээнд 08 дугаар сарын 10-ны өдрөөс 10 дугаар сарын 15-ны өдрийн хооронд тарваган тахал, хүн малын гоц халдварт өвчнөөс урьдчилан сэргийлэх захирамжийн хэрэгжилтийг хангах чиглэлээр баталгаат болон баталгаат бус замын хяналт шалгалтын ажлыг нийслэлийн Онцгой байдал, Мал эмнэлэг, Эрүүл мэндийн газартай хамтран зохион байгуулан ажиллаж байна. Нийслэлийн засаг даргын захирамж хэрэгжсэнээс хойших хугацаанд 15 удаагийн үйлдлээр 35 ширхэг тарвагыг Улаанбаатар хотын бүс рүү нэвтрүүлэхийг завдсан үйлдлийг илрүүлж, холбогдох шалгалтын ажиллагааг явуулж байна.