Цагдаагийн ерөнхий газрын Тээврийн цагдаагийн албанаас 2023 оны зургаадугаар сарын 30-наас эхлэн наймдугаар сарыг дуустал зам тээврийн осол, хэргийн улмаас хүний амь нас, эд хөрөнгө хохирохоос урьдчилан сэргийлэх, хөдөлгөөнд оролцогчдын буруу дадал хандлагыг өөрчлөх, зөв үйлдэлд уриалах, замын хөдөлгөөний соёлыг төлөвшүүлэх зорилгоор улсын хэмжээнд “Нэг зам-нэг соёл” нөлөөллийн аяныг эхлүүллээ.

Уг арга хэмжээний нээлтийг өчигдөр Улаанбаатар хотоос орон нутгийн чиглэлд гарах таван товчоо болон 21 аймгийн товчоодод нэгэн зэрэг хийлээ.