Их Британийн тусгай хүчнийхэн аюулгүй байдлын үүднээс Хятадын бүтээсэн TikTok нийгмийн сүлжээг ажлын утсан дээрээ ашиглахыг хоригложээ. Энэ тухай Daily Mail мэдээлэв.

Хэвлэлийн мэдээлснээр Британийн тусгай хүчний цэргүүдэд хувийн ухаалаг утаснаасаа TikTok руу нэвтрэхгүй байхыг хатуу зөвлөжээ. Энэхүү шийдвэр нь уг программ нь Хятад, Орос руу мэдээлэл дамжуулах боломжтой гэсэн болгоомжлолтой холбоотой юм.

Европын комисс албан тушаалтнуудад ажил дээрээ TikTok ашиглахыг хориглосон талаар өмнө нь мэдээлж байсан. Өнгөрсөн арванхоёрдугаар сард АНУ-ын Сенат мөн холбооны албан тушаалтнуудад эмзэг мэдээллийн сувагт нэвтрэх боломжтой төхөөрөмж дээр TikTok ашиглахыг хориглох хууль баталсан. Үүнтэй төстэй хоригийг АНУ-ын хэд хэдэн муж, Канад болон ЕХ-ны зарим оронд нэвтрүүлсэн.