Таксинд явж байсан 40 настай эмэгтэйг боож, тээврийн хэрэгслийг нь дээрэмдсэн хэрэг Орхон аймгийн Баян-Өндөр суманд гарчээ. Тодруулбал энэ сарын 25-ны 01:45 цагт цагдаагийн байгууллагад “Баян-Өндөр суманд байрлах Даниста худалдааны төвийн баруун урд таксинд явж байхад үл таних согтуу залуу таксинд гар өргөж суугаад намайг боож унгаасан. Улмаар миний Тоёота Акуа автомашиныг дээрэмдсэн” гэх дуудлага мэдээлэл ирсэн байна. Дуудлага, мэдээллийн дагуу цагдаагийн байгууллагаас шуурхай ажиллагааг зохион байгуулж, автомашин дээрэмдэн зугтсан гэх 42 настай эрэгтэй "Т"-г олж тогтоон баривчилж, мөрдөн шалгаж байгаа аж.  Иймд такси үйлчилгээнд явж буй иргэдийг сонор сэрэмжтэй байхыг Цагдаагийн ерөнхий газраас анхаарууллаа.