NBA-ын талбай есөн тоглолт боллоо. Өнөөдрийн хамгийн сонирхолтой тоглолт Брүүклин Нетс талбайдаа Лос Анжелес Лейкэрс багийг хүлээн авч тоглолоо. Хоёр багийн өмнөх тоглолт зул сарын баяраар болсон бөгөөд Нетс 122-115 хожсон билээ. Өнөөдөр болсон тоглолтод Лейкэрс тоглолтын эхнээс тэргүүлж эхэлсэн бөгөөд дөрвөн үеийн турш тэргүүлж явснаар 106-96 харьцаагаар хожлоо. Улмаар 24 хожил, 24 хожигдолтой болж өрнөд бүсийн 7-рт бичигдэж байгаа бол Нетс 29 хожил, 18 хожигдолтой болж дорнод бүсийн гуравт бичигдэж байна.

Тус тоглолт Лейкэрсээс Энтони Дэвис гэмтлээсээ эргэн ирсэн бөгөөд 8 оноо, 2 самбар, 2 дамжуулалт, 1 таслалт, 4 хаалтыг гүйцэтгэжээ. Тэгвэл тус багаас Леброн Жеймс 33 оноо, 7 самбар, 6 дамжуулалт, 2 хаалтаар багаа тэргүүлсэн бол Малик Монк 22 оноог сэлгээнээс Рассел Уэстбрүүк 15 оноог авчээ. Эсрэг багаас Кайри Ирвинг вакцин хийлгээгүйн улмаас тоглолтод оролцоогүй харин Кэвин Дурант гэмтлийн улмаас мөн тоглоогүй бөгөөд Жеймс Харден 33 оноо, 12 самбар, 11 дамжуулалтаар трипл дабл гүйцэтгэжээ.

Өнөөдөр болсон бусад тоглолтын үр дүн