Монгол Улсын Засгийн газар, УОК-аас гарсан шийдвэрийн дагуу цар тахлын дараагийн давалгаанд хариу арга хэмжээний бэлтгэл ажлыг эрчимжүүлж байна. Үүнтэй холбогдуулан өчигдөр буюу нэгдүгээр сарын 8-нд Эрүүл мэндийн сайд С.Энхболд Баянзүрх дүүргийн тандалтын баг, 26, 27 дугаар хорооны өрхийн эмнэлэг, дархлаажуулалтын цэгүүд дээр очиж ажиллалаа. Мөн Чингэлтэй дүүргийн иргэдэд үйлчилдэг зарим эмийн сангийн үйл ажиллагаатай танилцаж, дэмжлэг удирдлагаар ханган ажиллав. Энэ удаагийн давалгаа нь томуутай хавсарч эрсдэлийг улам нэмэгдүүлэх боломжтой байгаа. Тиймээс иргэдийг амны хаалтаа тогтмол зүүж, гэр ажлаас өөр газраар зорчихгүй байж, агааржуулалт муу, олон хүн цугласан газраар аль болох орохгүй байх, гараа тогтмол халдваргүйжүүлэхийг анхааруулж байна.