Өмнөд Солонгосын цаг уурын хүрээлэнгээс өчигдөр орой тус улсын өмнөд этгээдэд 5.8 магнитудын хүчтэй газар хөдөлсөн тухай мэдээллээ.  Өмнөд Солонгос улсад өмнө нь ийм хэмжээний хүчтэй газар хөдөлж байсан удаагүй аж.

Газар хөдлөлтийн голомт Кёнжу хотын ойролцоо байрлаж байжээ.  Өчигдөр оройн 20.30 цагийн үед нутгийн өмнөд хэсэгт эхэндээ 4.9, 5.4 магнитудын хүчтэй газар хөдлөлт дараалан ажиглагдсаны дараа 5.8 магнитудын хүчтэй газар хөдлөлт болсон байна.

Одоогоор хүний амь эрсэдсэн гэсэн мэдээлэл байхгүй байгаа бөгөөд хоёр хүн гэмтсэн гэдгийг эх сурвалж өгч байна.  Солонгосын хойгт өмнө нь 5.3 магнитудын хүчтэй чичиргээн мэдрэгдэж байсан удаатай. Гэхдээ АНУ-ын Геологийн судалгааны хүрээлэн Хойд Солонгос цөмийн зэвсэг туршсантай холбоотойгоор чичиргээн үүссэнийг онцолсон байдаг.