Байгаль орчин, аялал жуулчлалын яам, Монголын Аялал жуулчлалын холбоо, Хэнтий аймаг хамтран Аялал жуулчлалын “International Travel Mart ITM-2021”  үзэсгэлэн, арга хэмжээг “TOURISM FOR INCLUSIVE GROWTH буюу ХҮРТЭЭМЖТЭЙ ӨСӨЛТИЙГ ХАНГАХ АЯЛАЛ ЖУУЛЧЛАЛ” уриатай зохион байгуулж байна.

22 дахь жилдээ зохион байгуулагдаж буй энэхүү үзэсгэлэн аялал жуулчлалын салбартай холбоотой ажилладаг худалдаа, үйлчилгээг бодитойгоор таниулан сурталчлах, хөгжлийн чиг хандлагыг бусад холбогдох салбаруудтай ашигтайгаар холбох, эдийн засгийн хүртээмжтэй өсөлтийг нэмэгдүүлэх, бүтээгдэхүүн үйлчилгээний сүлжээгээ өргөжүүлэх зэрэг олон талын боломжийг бизнес эрхлэгчдэд олгох, Монгол Улсаа хилийн чанадад сурталчлах зорилготой.

Энэхүү арга хэмжээнд саяхан нээлтээ хийсэн “Степпе Арена” компанийнхан оролцож, “Мөсөн өргөө”-ний бэлгэдэл-дүр Учрал, Цацрал нар Мишээлийн үзэсгэлэнгийн танхимыг чимлээ.  Үзэсгэлэн яармаг энэ сарын 28-30-ны өдрүүдэд Мишээл Эксо-д зохион байгуулагдана.