“Монголын Анимэйшн, Комикс Авардс” уралдаан зарлажээ
Боловсрол соёл шинжлэх ухааны яам, Нүүдлийн зурган өгүүлэмж сан, Монгол контент компани болон ШУТИС-ийн харьяа үйлдвэрлэлийн их сургууль хамтран “Монголын Анимэйшн, Комикс Авардс” уралдаан зарлажээ.
Энэхүү уралдаан нь дотоодын комик /манга/ ном, анимэйшн бүтээгчдийг нээн илрүүлэх, дэмжих, олон нийтэд таниулан сурталчлах, анимэйшн, комикс үйлдвэрлэлийг дэмжих зорилготой ажээ. “Монголын Анимэйшн, Комикс Авардс” уралдаан комикс ном, анимэйшн, комикстрип гэсэн төрлөөр болох юм.
Мөн комикс ном, анимэйшн бүтээгч бүх насны уран бүтээлч, сонирхогчид оролцох боломжтойгоороо давуу талтай аж. Уралдааны тэргүүн байрт Япон улсаар аялах эрх, ивээн тэтгэгчдийн шагналаар урамшуулах бөгөөд хоёрдугаар байрт мөнгөн шагнал Wacom төхөөрөмж гардуулах аж. Уралдаанд оролцох бүтээлийг Япон улсаас Монгол улсад суугаа элчин сайдын яамны Соёл, мэдээллийн хэлтэст хүлээн авна. Бүтээлийг наймдугаар сарын 1 хүртэл хүлээж авах юм байна.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
