АСЕМ-ийн дээд түвшний 11 дэх уулзалтыг өнгөрсөн долдугаар сард эх орондоо амжилттай зохион байгуулсан билээ. Уг уулзалтад оролцох төрийн тэргүүн болон зочид төлөөлөгчдөд зориулж Засгийн газар 52 ширхэг "Приус-30" маркийн автомашиныг худалдаж авсан.

Тэгвэл тусгай зориулалтын уг автомашиныг цагдаагийн байгууллагад хүлээлгэн өгчээ. Мөн 581 сая төгрөгийн өртөг бүхий хуягласан "Бенз" маркийн хоёр автомашиныг Төрийн тусгай хамгаалалтын албанд шилжүүлсэн гэнэ. АСЕМ-ийн уулзалтад зориулж төсвөөс 21 тэрбум төгрөг зарцуулсан. Үүнээс таван сая төгрөгөөс дээш үнийн дүнтэй бараа бүтээгдэхүүний үнэ нь 538 сая төгрөг давсан аж.