Улаанбаатар хотын цагдаагийн газар Мэргэжлийн хяналтын газар, Боловсролын газар, Тээврийн газартай хамтран есдүгээр сарын 1 болж буйтай холбогдуулан хүүхдийн автобусанд шалгалт хийж байгаа билээ.

Уг шалгалтыг 2016-2017 оны хичээлийн жилийг угтаж,  Ерөнхий боловсролын сургууль, цэцэрлэгийн хүүхдүүдийг аюулгүй тээвэрлэх, тээврийн хэрэгслийн техникийн бүрэн бүтэн байдлыг хангах зорилгоор хийж байгаа юм байна.

Мөн шалгалтаар илэрсэн зөрчил дутагдлыг арилгуулан гарч болзошгүй осол хэргээс урьдчилан сэргийлэх,  Монгол улсын “Сургуулийн автобусанд тавигдах MNS6444:2014 стандарт"-ыг хэрэгжүүлэх зорилгийн хүрээнд хийж байгаа аж.

Энэхүү шалгалтын хүрээнд 55 сургууль, 4 цэцэрлэгийн нийт 132 хүүхдийн автобусыг шалгах юм. Шалгалтын ажил маргааш дуусна.