Италийн төв хэсэгт өчигдөр үүрээр 6.2 магнитудын хүчтэй газар хөдөлж,  тус улсын уулын бүсэд орших жижиг хотууд  томоохон хэмжээний хохирол амсаад байгаа тухай бид өмнө нь мэдээлсэн.

Тэгвэл энэхүү байгалийн гамшигт үзэгдлийн улмаас нас барагсдын тоо хамгийн сүүлд авсан мэдээллээр аль хэдийнэ 159-д хүрчээ. Энэ тоог тус улсын эрүүл мэндийн байгууллагаас өгч байгаа юм. Харин Италийн Ерөнхий сайд Матью Рензи 120 хүн нас барж, 368 хүн гэмтсэн хэмээн мэдээлсэн.

Уулын бүс нутгийн жижиг хотуудын байшин барилга сүйдэж, одоо ч маш олон хүмүүс ор сураггүй болсонд тооцогдож байгаа аж. Тиймээс нас барагсадын тоо цаашид нэмэгдэж болзошгүй байна.