АНУ-ын “Apple” корпораци iphone утасны “iphone 8”, “8 plus”, “iphone X” гэсэн шинэ загваруудаа танилцууллаа.

Шинэ утас танилцуулах ёслол тус корпорацийн Калифорни муж дахь Стив Жобс агсны дурсгалд зориулан баригдсан шинэ барилгад зохион байгуулагдсан бөгөөд энэ үеэр СЕО Тим Кук хамгийн шинэ загварын “iphone X” утсыг 10 жилийн ойдоо зориулан бүтээсэн гэдгээ мэдэгджээ. Тэрбээр “Apple анхны утсаа гаргаснаас хойш өнөөдрийг хүртэлх 10 жилийн технологийн замналыг харуулсан бүтээл болж чадсан” гэж тайлбарласан байна.

“iphone X” утасны дэлгэц нь дээд ирмэгээс доод ирмэг хүртэл, царай таньж функц нээх боломжтойгоос гадна  зургийн чанар,  нягт сайтай  “Super retina” дэлгэцээр тоноглогджээ

Мөн “iphone 8”, “8 plus” утас нь бүрэн шилэн хийцтэй гэнэ. Ар болон нүүрэн тал нь зурагддаггүй шилэн хийцтэйгээс гадна тооцоолол, график хийх боломжит функцтай аж.

Эдгээр гурван загвар нь гурвуулаа  олон улсын “Qi” стандартын утасгүй цэнэглэгчтэй нийцэж ажилладаг байна.

 “iphone X” утас арваннэгдүгээр сарын 3-нд худалдаанд гарна. Үнэ нь 999 ам.доллар. Харин дараагийн хоёр загвар нь энэ сард худалдаанд гарах бөгөөд үнийн тухайд “iphone 8” нь 699 ам.доллар, “8 plus” нь 799 ам.доллар аж.