АНУ-ын Ерөнхийлөгчийн сонгуульд Ардчилсан намаас нэр дэвшиж өрсөлдөөд өвдөг шороодсон Төрийн нарийн бичгийн дарга асан Хиллари Клинтон ном бичжээ. Тэрбээр энэхүү номдоо өнгөрсөн жилийн сонгуулийн үйл явц хийгээд ялагдлын шалтгааныхаа талаар бичсэн аж.

Номдоо Хиллари өнөөгийн Ерөнхийлөгч Доналд Трампад ялагдсан нь өөрийнх нь үүрэх ёстой үүрэг хариуцлага гэдгийг хүлээн зөвшөөрсөн байна. Гэхдээ тухайн үеийн Ерөнхийлөгч Барак Обама, намын сунгаанд өрсөлдсөн сенатч Берни Сандерс, ОХУ-ын Ерөнхийлөгч В.Путин болон бусад маш олон хүмүүс ялагдалынх нь шалтгаан болсон гэж бичжээ.

Хиллари Клинтоны номын нэр “What Happened” бөгөөд “Энэ миний тэмцэл, миний гаргасан шийдвэр байсан” гэх үгийг өмнөтгөл хэсэгтээ тодотгож өгсөн байна. Ном тун удахгүй худалдаанд гарах гэнэ.

Харин Хилларигийн тухайд нийслэл Вашингтоноос эхлээд 15 хотыг энэ сарын 18-аас эхлэн тойрч, номынхоо нээлтийг хийх аж.