БНСУ-ын экс Ерөнхийлөгч Пак Гын Хэ эрүүл мэндийн шалтгааны улмаас эмнэлэгт хэвтжээ. Энэ талаар Ёнхап агентлаг мэдээлсэн байна.

Дотны найзаа төрийн хэрэгт оролцуулж, нууц задруулсан, авлига авсан зэрэг хэд хэдэн хэрэгт буруутгагдан тэрбээр саатуулах төвд хоригдож буй. Тэгвэл өнөөдөр Сочу дахь Сэнт-Мэрийн эмнэлэгт хэвтсэн байна. Саатуулах төвийн удирдлагуудын хэлж буйгаар, Пак Гын Хэгийн нурууны өвчнийг эмчлэх арга хэмжээ авч байгаа ч, өвчин нь намдаагүй тул эмнэлэгт хүргэсэн аж.

Тэрбээр өмнө нь долдугаар сард хөлийн хурууны MRI зураг авхуулахаар эмнэлэгт хүргэгдэж байжээ.