Хятадын өмнөд эргийг хар салхи дайрсны улмаас Макао, Хонконг, Гуандун гэх засаг захиргааны нэгжүүдэд нийтдээ 10 хүн нас барсан байна.

Орон нутгийн эх сурвалжийн мэдээлснээр, Макаод томоохон хэмжээний үерийн гамшиг нүүрлэж, машинууд усанд урсаж, хүмүүс живж байжээ. Улмаар казино, хөрөнгийн биржүүд хаалгаа барьж, хэдэн зуун нислэг цуцлагдан, замуудад түгжрэл үүсч, цахилгаан тасарсан байна.

Макаогийн албаны хүмүүсийн мэдээлснээр сүүлийн 30 жилд ийм хэмжээний гамшиг нүүрлэж байгаагүй гэнэ.  Харин Хонконгийн албаныхан түгшүүр зарлажээ. 

Синхуа агентлагийн мэдээлснээр,  Гуандунд гамшигт өртөж болзошгүй эрсдэлтэй бүсэд амьдарч буй  26817 иргэнийг нүүлгэн шилжүүлжээ.