Япон улсын парламентын 70 жилийн ойг тохиолдуулан зөвлөхүүдийн танхимаас зарласан “Хэрвээ би УИХ-ын гишүүн болбол” сэдэвт эссэ бичлэгийн уралдаанд монгол хүүхэд түрүүлжээ. Уралдаанд нийтдээ 1874 ахлах ангийн сурагч оролцсоноос “Шинэ Монгол” ахлах сургуулийн арванхоёрдугаар ангийн сурагч Б.Хангай тэргүүн байр эзэлсэн байна.

Сурагч хүү Японы зөвлөхүүдийн танхимын даргын урилгаар Япон улсыг зорьж, тэргүүн байрын шагналаа гардан эх орондоо иржээ. Б.Хангай өмнө нь Япон-Монголын төвөөс зохион байгуулсан ханзны баярт тэргүүлж байснаас гадна манай хоёр улсын хооронд дипломат харилцаа тогтоосны 45 жилийн ойн үйл ажиллагааны хүрээнд зохиогдсон Япон хэлний олимпиадад мөн түрүүлж байсан байна.