Филиппиний цагдаа нар энэ сарын 14-15-нд шилжих шөнө Ерөнхийлөгч Родриго Дутертийн санаачилсан “Хар тамхины бүлэглэлийн эсрэг дайн”-ы хүрээнд нийслэл Манила хотын орчимд тусгай ажиллагаа явуулж, 21 хүний амийг хөнөөжээ.

Хар тамхины бүлэглэлийн эсрэг дайн тус улсад эхэлснээс хойш нэг өдрийн дотор ийм олон хүн амиа алдаж байсан тохиолдол үгүй аж.

Цагдаа нар Булакан мужийн 12 хот, тосгодын нийтдээ 26 цэгт тусгай ажиллагаа явуулжээ. Харин амиа алдсан 21 иргэн гартаа зэвсэгтэй, эсэргүүцэл үзүүлсэн тул хөнөөсөн гэж цагдаагийнхан тайлбарлаж байна. Мөн 64 хүнийг баривчилж, 21 зэвсэг, 100 гр хар тамхи хураажээ.