Индонезийн Ява арлын Темангун уулархаг бүс нутагт энэ сарын 2-ны өдөр галт уулын орчимд  нисч явсан тусламжийн нисдэг тэрэг осолджээ. Ослоор аврах албаны дөрөв, тэнгисийн цэргийн дөрвөн алба хаагч, нийтдээ найман хүн нас барсан байна.

Ослын газраас хохирогчдын цогцсыг илрүүлжээ. Тус нисдэг тэрэг энэ сарын 2-ны өдрийн үдээс хойш оргилсон Ява арлын төв хэсэг Дьенг Платеауд байрлах галт уулын нөхцөл байдлыг шинжлэхээр явж байжээ. Галт уул оргилсны улмаас халуун лаав, үнс дээш 50 метрт оргилсон бөгөөд хамгийн сүүлд авсан мэдээгээр таван хүн гэмтсэн байна. Одоогоор албаныхан нисдэг тэрэгний ослын шалтгааныг тодруулахаар ажиллаж байна.