УИХ дахь Ардчилсан намын бүлэг өнөөдөр ээлжит хуралдаанаа хийж, энэ долоо хоногт УИХ-ын байнгын хороод болон чуулганы нэгдсэн хуралдаанаар хэлэлцэх асуудлын тухай хэлэлцлээ.

Тухайлбал, Төрийн албаны тухай хуульд нэмэлт өөрчлөлт оруулах тухай  хуулийн шинэчилсэн найруулгын төслүүд, Нийслэлийн эрх зүйн байдлын тухай хуулийн шинэчилсэн найруулгын төсөл болон уг хуулийн төсөлтэй холбогдуулан боловсруулсан бусад хуулийн төслийг хэлэлцэв.

Түүнчлэн Ардчилсан намын бүлэг хуралдаанаараа Монгол Улсын Ерөнхийлөгчийг сонгох сонгуулийн үеэр цагдаа хүчний байгууллагууд хэтэрхий нэг талыг барьж ажилласан үйлдэл гаргасан  талаархи мэдээллийг сонссон юм.