Бразилын алдарт хөлбөмбөгч Пеле ОХУ-д болж буй Холбоодын цомын тэмцээний хүндэт зочноор уригдсан билээ. Тэгвэл түүнээс “Спорт-Экспресс”-ийн сурвалжлагч ярилцлага авч, олон сэдвийг хөндөн ярилцжээ. Тэр дундаа сүүлийн жилүүдэд Бразил тоглогч дэлхийн шилдэг болж чадахгүй байгаа талаар ч ярьсан байна.

Пеле энэ асуултад  “Одоохондоо “Алтан бөмбөг” авчих хэмжээний Бразил тоглогч харагдахгүй байна. Неймарт ийм хэмжээний авьяас чадвар хангалттай байгаа ч нутагтаа болсон ДАШТ-д тааруу тоглосон. Тэр одоохондоо Бразилийн хамгийн шилдэг хөлбөмбөгч ч дэлхийнх биш” хэмээн ярьжээ.