Бангладешийн Онцгой байдлын албанаас өчигдөр тус улсад 22 хүн аянганд ниргүүлж амиа алдсан талаар мэдээлжээ. Тодруулбал, сүүлийн 48 цагийн дотор буюу хоёрхон хоногийн хугацаанд Бангладешт аянган ниргүүлсэн шалтгаанаар дээрх тооны хүн амиа алдсан байна.

Өнгөрсөн долоо хоногт ч гэсэн тус улсын хар салхи дайрч, ширүүн бороо орсны улмаас хөрсний гулгалт үүсэн олон хүн амиа алдсан билээ.

Тэгвэл тус улсын Онцгой байдлын албаны дарга Реаз Ахмед “Франц пресс” агентлагт өгсөн ярилцлагадаа “энэ сарын 18-19-ний өдөр Бангладешийн газар бүрт шуурга шуурсан. Энэ үеэр самрын тариалангийн талбайд ажлаа хийж явсан гэр бүлийн хүмүүс аянганд ниргүүлж амиа алдсан. Эхнэр нөхөр, бас хүүхдийнхээ хамт” гэж ярьжээ.