БНАСАУ-д жил гаруй хугацаанд саатуулагдсаныхаа дараа өнгөрөгч долоо хоногт ухаангүй байдалтайгаар суллагдсан АНУ-ын оюутан 22 настай Отто Уармбьер нас баржээ.

Тэрээр энэ сарын 13-нд эх орондоо ирж, Охио мужийн Синсиннатигийн эмнэлэгт эмчилгээ хийлгэж байгаад өчигдөр үдээс хойш 14.20 цагийн үед таалал төгссөн байна.

Түүний гэр бүл “Харамсалтай мэдээ дуулгах нь. Бидний хүү Отто Уармбьер хадан гэртээ очих замаа дуусгалаа” гэжээ.

Хойд Солонгосын Засгийн газар болсон хэргийн талаар “талийгаачид өнгөрсөн жилийн гуравдугаар сард ял ногдуулсны дараа ботулизм өвчнөөр өвчилсөн. Тухайн үед нойрсуулах эм хэрэглэсний дараа комд орсон” гэж тайлбарлажээ.