Колумбын нийслэл Богота хотын худалдаа үйлчилгээний төвд дэлбэрэлт болсны улмаас гурван хүн нас барж, 11 хүн гэмтжээ. Энэ талаар тус хотын захирагч Энрикью Пеналоса олон нийтэд мэдээлсэн байна.

Цагдаагийн алба хаагчдын мэдээлснээр дэлбэрэлт болох үед 23 настай франц эмэгтэй болон аль улсын иргэн болох нь тодорхойгүй 27 болон 31 настай гурван эмэгтэй амиа алджээ.

Гадаадын жуулчдын дунд алдартай худалдаа үйлчилгээний гудамжинд байрлах “Centro Andino” худалдааны төв  аавуудын өдөр болох гэж буйтай холбоотойгоор  худалдан авагчдын хөлд дарагдсан байжээ. Дэлбэрэлт бие засах газарт болсон байна. Түүнчлэн, албаныхан энэ удаагийн хэргийг террорист ажиллагаа хэмээн үзэж байгаа аж.