Манай урд болон хойд хөршийн төрийн тэргүүнүүдийн хувийн амьдрал тэр бүр дэлгэгдээд байдаггүй. Тэр дундаа хэдэн хүүхэдтэй, ач зээ нь төрсөн үү гэх мэдээлэл нууц байдаг юм.

Тэгвэл ирэх жил болох сонгуульд нэр дэвшихгүй гэдгээ нэгэнтээ мэдэгдсэн 64 настай ОХУ-ын Ерөнхийлөгч В.Путин өчигдөр ард иргэдтэйгээ телевизийн нэвтрүүлгээр шууд дамжуулан хийсэн уулзалтын үеэр хоёр дахь зээ нь төрсөн гэдгийг мэдэгджээ.

Түүний хувьд гэр бүлийнхээ дотоод асуудлыг тэр бүр нээлттэй яриад байдаггүй билээ. В.Путин хоёр охинтой. Том охин Мария нь 32 настай бол удаах нь 30 настай юм. Тэдний талаар ярихдаа ОХУ-ын төрийн тэргүүн “Тэдний талаар янз бүрийн л яриа гардаг. Охид минь ОХУ-д Москвадаа амьдарч байгаа” гэжээ. Мөн том зээ нь цэцэрлэгт орсон бол хоёр дахь зээ нь төрөөд удаагүй аж. Түүнчлэн, В.Путины  охид  улс төрөөс ангид судалгаа шинжилгээ, боловсролын салбарт ажилладаг гэж ярьсан байна.