Италийн алдарт “Милан” клуб багийн хаалгач Доннаруммагаас шинэ гэрээ байгуулах эсэх асуудлаар энэ сарын 16-ны өдөр хүртэл хариу хүлээхээ мэдэгджээ. Уг нь залуу хаалгач багтайгаа 2018 он хүртэл гэрээтэй байгаа.

Гэвч түүний агент Мино Райоло шинэ гэрээний заалтууд дээр тохиролцохгүй нөхцөл байдлыг хүндрүүлж  эхэлж. Энэ байдал нь “Милан”-ы удирдлагуудад таалагдахгүй байгаа учраас өдгөө 18 настай залуу хаалгачид албан ёсны хариу өгөх эцсийн хугацаа өгсөн нь энэ аж.

Энэ сарын 16-нд Доннарумма Италийн 21 хүртэлх насны шигшээд багтаж, Европын залуучуудын аварга шалгаруулах тэмцээнд оролцох юм байна. Түүнээс өмнө амжиж хариуг нь авахаар ийн яаруулж эхэлжээ.