АНУ-ын Ерөнхийлөгч Доналд Трамд Их Британийн Лондонд  болсон террорист халдлагатай холбоотойгоор твиттер хуудастаа өөрийн байр сууриа илэрхийлжээ. Ингэхдээ Лондонгийн анхны мусульман шашинт захирагчийг шүүмжлээд амжсан байна.

Тэрбээр “Террорист халдлага болж долоон хүн нас барж, 48 хүн гэмтэж бэртсэн байтал Лондонгийн захирагч айх зүйлгүй гэж ярьж байна” хэмээн жиргэсэн байна.

Садик Каан нь анхны мусульман шашинт Лондонгийн захирагч юм.

Тэгвэл хотын даргын зүгээс ч түүний жиргээнд тайлбар хийгээд амжсан байна. Тодруулбал, түүний хэвлэлийн төлөөлөгч “Хотын даргад нөхцөл байдлыг мэдэхгүй байгаа Трампын жиргээнд хариулж суухаас илүү чухал ажил байгаа” хэмээн мэдэгдсэн гэнэ.