АНУ-ын Ерөнхийлөгч Доналд Трамп өнгөрөгч дөрөвдүгээр сард Филиппиний Ерөнхийлөгч Родриго Дутерттай утсаар ярьсан байдаг. Улмаар энэ үеэр Хойд Солонгосын залуу удирдагч Ким Жон Уныг “цөмийн зэвсэгтэй галзуу этгээд” гэж дуудсан тухай орон нутгийн хэвлэлд мэдээлжээ.

Өнгөрсөн сарын 29-ний өдөр болсон утасны ярианы агуулгыг Филиппиний Засгийн газраас олон нийтэд мэдээлсэн бөгөөд үүнийг нь “Вашингтон пост”, “The intercept” сайт мэдээлсэн байна.

Тухайн үед Цагаан ордноос “үнэхээр халуун дулаан яриа өрнөсөн” гэж мэдэгдэж байв.  Харин дараа нь Д.Трамп телевизэд ярилцлага өгөхдөө Ким Жон Унтай уулзах нь гэмт хэрэг ярьж байсан юм. Тэгвэл Филиппиний талаас мэдэгдсэнээр,  Трамп Р.Дутерттай утсаар ярихдаа “Зэвсэгтэй галзуу этгээдийг энэ янзаар нь байлгаж хэрхэвч болохгүй. Манай улс руу чиглэсэн Хойд Солонгосын сүрдүүлэг улам нэмэгдсээр байгаа. Бараг 20 дахин ихэссэн” хэмээж, Батлан хамгаалах яамнаас Солонгосын хойг руу хоёр дахь цохилтын хүчээ илгээсэн тухайгаа мэдэгдэж байжээ.