АНУ-ын “Apple” корпорацийн ойролцоогоор 40 жилийн өмнө бүтээсэн “Apple-1” компьютер өнгөрөгч амралтын өдрүүдэд Германд дуудлага худалдаанд оролцож, 110 мянган еврогийн үнэ хүрчээ.

“Apple-1” компьютер эдүгээ дэлхийд ердөө найман ширхэг л байдаг аж. Тэдний нэг болох дуудлага худалдаагаар үнэ хаялцуулан худалдаалсан уг компьютерыг зохион байгуулагчид нь 180-300 мянган еврогийн үнэ хүрнэ хэмээн таамаглаж байжээ. Гэсэн ч, уг үнэнээс хэд дахин бага буюу 110 мянган еврогийн үнэ хүрсэн байна.

2011 онд Apple” корпорацийн үүсгэн байгуулагч Стив Жобсыг нас барснаас хойш анх удаагаа тус нэрийн бүтээгдэхүүн ийм хэмжээний үнэ хүрч буй нь энэ аж. Өмнө нь 2013 онд өөр нэг “Apple-1” компьютер 516 мянган еврогийн үнээр худалдаалагдаж байжээ. Стив Жобс, Стив Возниак нарын хамтран бүтээсэн тус компьютер ойролцоогоор 200 ширхэг үйлдвэрлэгджээ.