Ирландын Ерөнхий сайд Энда Кенни өчигдөр мэдэгдэл хийж эрх баригч “Нэгдсэн Ирланд” намын даргын албан тушаалаас өнөөдрөөс эхлэн бууж байгаагаа мэдэгджээ.

Түүний гэнэтийн шийдвэртэй холбоотойгоор Ирланд ирэх сарын 2-нд шинэ Ерөнхий сайдаа сонгохоор болсон байна.

Ирландад ирэх жил бүх нийтийн сонгууль болно. Гэвч, тэрбээр тус сонгуульд намаа удирдан орохоос татгалзаж, өөрийнхөө оронд Нийгмийн хамгааллын сайд эсвэл Батлан хамгаалахын сайдын аль нэгийг нь томилох санал гаргажээ.

Энда Кенни 2011 оноос хойш Ерөнхий сайдын албыг хашиж байгаа юм. Тэрбээр “Нэгдмэл Ирланд” намын 2016 оны сонгуульд удирдан орж хамгийн олон суудал авч чадсан ч, үнэмлэхүй олонх болж чадаагүй юм.