Дорноговь аймгийн Засаг дарга Т.Энхтүвшин болон холбогдох албаны хүмүүс Бүгд Найрамдах Солонгос улсын Тежин сангийн тэргүүн Ким Ван Конг тэргүүтэй төлөөлөгчдийг энэ сарын 11-нд хүлээн авч уулзлаа.

Тежин сан нь нийгмийн халамж, тусламж үзүүлэх, боловсрол олгох чиглэлээр үйл ажиллагаа явуулдаг байна. Айлчлалын үеэр "Говийн бүсийн ахмад настны асрамжийн төв", аймгийн Нэгдсэн эмнэлгийн Яаралтай тусламжийн төв, Дорноговь аймаг дахь Анагаахын шинжлэх ухааны их сургууль, Сайншанд сумын 11-р цэцэрлэгийн Хөгжлийн бэрхшээлтэй хүүхдийн анги болон амьжиргааны баталгаажих түвшингээс доогуур орлоготой нэн ядуу өрхийн амьдралтай танилцсан юм. Цаашид сурагч, оюутан солилцоог бий болгох, нийгмийн халамж, тусламж үзүүлэх, тусламж үзүүлэх мөн Дорноговь аймагтай хамтран ажиллах боломжтойг илэрхийлэв.